Новы рэктар МДУ ім. Куляшова расказаў, як прыцягнуць студэнтаў у рэгіянальную ВНУ

Інтэграцыя навукі і адукацыі, прафарыентацыйная работа з абітурыентамі дазваляюць прыцягнуць іх у рэгіянальную ВНУ і павысіць рэйтынг самога ўніверсітэта. Аб гэтым журналістам заявіў Юрый Машын, які 20 лістапада ўзгоднены кіраўніком дзяржавы на прызначэнне рэктарам Магілёўскага дзяржаўнага ўніверсітэта імя А.А.Куляшова.

Журналісты пацікавіліся ў Юрыя Машына, як прыцягваць студэнтаў у рэгіянальныя ВНУ. Іншымі словамі, зрабіць так, каб жыхары Магілёва і вобласці, калі размова ідзе пра МДУ ім. Куляшова, хацелі паступаць не толькі ў Мінск.

«Гэта рэальна зрабіць. Напрыклад, прафарыентацыйнай працай, якая сістэмна праводзіцца на месцах. Мы павінны паказваць магчымасці рэгіянальных вну. Канешне, гэта павышэнне якасці адукацыі, інтэграцыя навукі і адукацыі. Гэта дазваляе павысіць рэйтынг універсітэта», - лічыць Юрый Машын.

Новы рэктар МДУ ім. Куляшова таксама звярнуў увагу на неабходнасць развіваць мэтавую падрыхтоўку, што дасць магчымасць у тым ліку ўкамплектаваць кадрамі рэгіёны.

БЕЛТА