Багаты ўраджай збіраюць хлебаробы ААТ «“Рассвет” імя К. П. Арлоўскага»

Багатымі ў гэтым годзе былі віды на ўраджай збожжавых і рапсавых палёў у адкрытым акцыянерным таварыстве «“Рассвет” імя К. П. Арлоўскага» Кіраўскага раёна. І пацвердзілі чаканне высокімі намалотамі ўжо на пачатковым этапе уборачнай кампаніі – жніва азімага ячменю. Зборы яго збожжа тут склалі 77 цэнтнераў з гектара.

Шчодрымі на ўраджай сталі і палі азімай пшаніцы. У прыватнасці, намалоты збожжа на адным з іх – размешчанай каля райцэнтра шматгектарнай пшанічнай ніве, якая зжыналася рассветаўскімі хлебаробамі ў дзень нашага прыезду ў гаспадарку – дасягалі 80–81 цэнтнера з гектара.

Вельмі ўраджайныя і рапсавыя палі «Рассвету». Намалоты на круг масласямян рапсу на асобных іх участках перавышаюць 80 цэнтнераў. Сярэдні ж іх збор з гектара складае 46 цэнтнераў.

Дарэчы, ён больш чым у чатыры разы перавышае зараз сярэднеабласны паказчык намалоту масласямян рапсу з гектара. Шырокая і агульная плошча рапсавых палёў ААТ «“Рассвет” імя К. П. Арлоўскага» азімага і яравога севу – 927 гектараў. Зрэшты, як і збожжавых, – 3723 гектары.

Збожжавы іх клін, дарэчы, дасягае паловы яго плошчы ў некаторых раёнаў Магілёўшчыны. Значныя ж намалоты збожжа яго земляробаў складаюць у апошнія гады каля чвэрці ў агульным аб’ёме збіраемага ўсім раёнам хлебнага каравая.

mogilevnews.by