«Белшына» каля 40% прадукцыі пастаўляе на экспарт

ААТ «Белшына» каля 40% прадукцыі пастаўляе на экспарт, паведаміла на прэс-канферэнцыі «Развіццё аўтамабільнай прамысловасці: мадэрнізацыя, экалагічнасць і экспартны патэнцыял» начальнік бюро маркетынгавых даследаванняў і стратэгічнага маркетынгу прадпрыемства Ганна Басараўская.

Ганна Басарэўская адзначыла, што ААТ «Белшына» прадаўжае ўмацоўваць пазіцыі на ўнутраным і знешнім рынках. У таварны партфель уваходзіць больш як 100 мадэлей шын для легкавых аўтамабіляў, каля 20 мадэлей для лёгкагрузавага транспарту, 150 мадэлей для грузавога транспарту, у тым ліку самазвалаў, больш як 90 мадэлей для сельскагаспадарчай тэхнікі.

«Асноўнымі стратэгічнымі рынкамі для нашага прадпрыемства з'яўляюцца Рэспубліка Беларусь і Расійская Федэрацыя. Рынак Беларусі ў вартасным выражэнні займае каля 60% агульнага аб'ёму продажаў, на экспарт пастаўляем каля 40 працэнтаў. Што датычыцца ўнутранага рынку, то ў бліжэйшай перспектыве ў планах прадпрыемства - павялічыць долю прысутнасці да 50 працэнтаў. Ужо сёння яна складае больш за 40%», - распавяла Ганна Басарэўская.

На Расію прыпадае каля 90% экспарту. Таксама пастаўкі ажыццяўляюцца ў Казахстан, Кыргызстан, Азербайджан, Туркменістан, Таджыкістан, Бангладэш, Венесуэлу і іншыя краіны.

«Даволі перспектыўным сегментам для нас з'яўляюцца краіны Афрыкі. Вядзецца актыўная праца па аднаўленні супрацоўніцтва і павелічэнні аб'ёмаў продажаў у такія краіны, як Егіпет, ПАР, Зімбабвэ і інш.», - сказала Ганна Басарэўская.

Прадпрыемства супрацоўнічае з беларускімі аўтавытворцамі ў сферы першаснай камплектацыі. «Белшына» - галоўны пастаўшчык шын у адрас такіх флагманаў машынабудавання, як БЕЛАЗ, МАЗ, МТЗ, «Гомсельмаш», «АМКАДОР».

Пашыраецца асартымент шын для эксплуатацыі ў зімовым сезоне.

У Беларусі выпусцілі зімовыя шыны прэміум-класа з нацыянальным арнаментам

БЕЛТА