RU BY EN 中文
Twitter Instagram

ЦВК прапануе правесці выбары дэпутатаў 17 лістапада, сенатараў - 7 лістапада

ЦВК прапануе правесці выбары дэпутатаў Палаты прадстаўнікоў 17 лістапада, членаў Савета Рэспублікі - 7 лістапада. Аб гэтым сёння журналістам паведаміла кіраўнік Цэнтрвыбаркама Лідзія Ярмошына.

Старшыня ЦВК праінфармавала, што на маючай адбыцца сустрэчы з кіраўніком дзяржавы «будзем прапаноўваць 17 лістапада, а для выбараў членаў Савета Рэспублікі - 7 лістапада».

Пасля таго як Прэзідэнт вызначыць дату парламенцкіх выбараў, пачнецца падрыхтоўка адпаведных указаў. Паводле слоў Лідзіі Ярмошынай, іх трэба рыхтаваць ужо ў ліпені.

На бягучым тыдні плануецца правесці пасяджэнне ЦВК, дзе будзе ўстаноўлена сярэдняя колькасць выбаршчыкаў на акругу, зацверджаны метадычныя растлумачэнні для ўчастковых, тэрытарыяльных і акруговых выбарчых камісій.

Як паведамлялася, у Пасланні беларускаму народу і Нацыянальнаму сходу кіраўнік дзяржавы Аляксандр Лукашэнка заявіў, што ў 2019 годзе ў Беларусі адбудуцца выбары ў Палату прадстаўнікоў і Савет Рэспублікі. Прэзідэнцкія выбары ў Беларусі, як і планавалася, пройдуць у 2020 годзе.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая