ЦВК расказала аб падрыхтоўцы да адзінага дня галасавання

Старшыня ЦВК Ігар Карпенка на семінары з актывам Мінскай вобласці па абмеркаванні выбарчага заканадаўства расказаў журналістам, як ідзе падрыхтоўка да адзінага дня галасавання.

«ЦВК заўсёды актыўна працуе, хаця ў нас і невялікі апарат. Гэта і падрыхтоўка метадычных рэкамендацый і пастаноў, якія растлумачваюць, удакладняюць нейкія нормы заканадаўства. Гэта і адпрацоўка з усімі зацікаўленымі алгарытму дзеянняў. Напрыклад, калі мы будзем выкарыстоўваць рэгістр насельніцтва, які вядзе МУС, то трэба выбудаваць схему, як мы будзем атрымліваць гэтыя дадзеныя для больш якаснага складання спісаў і гэтак далей», - сказаў Ігар Карпенка.

Гэта планавая работа, падкрэсліў кіраўнік ЦВК. «Акрамя таго, мы пасля кожнай выбарчай кампаніі (у дадзеным выпадку апошняй электаральнай кампаніяй быў рэферэндум) аналізуем практыку прымянення заканадаўства і тыя навацыі, якія ўносіліся ў Выбарчы кодэкс. Вядома, улічвалі гэтую практыку, міжнародныя стандарты, практыку нашых найблізкіх суседзяў. І, натуральна, праводзячы адзіны дзень галасавання, мы гэтыя навацыі будзем таксама апрабаваць і будзем аналізаваць, як яны працуюць», - дапоўніў ён.

Выбарчыя акругі па выбарах дэпутатаў у Палату прадстаўнікоў будуць вызначаны да 1 кастрычніка

БЕЛТА