Дапамога па догляду дзіцяці да 3 гадоў вырасце з 1 лютага

З 1 лютага 2019 года ў Беларусі павялічваюцца памеры дапамогі па доглядзе дзіцяці ва ўзросце да 3 гадоў. Гэта звязана з ростам сярэднямесячнай заработнай платы, растлумачылі ў Міністэрстве працы і сацыяльнай абароны.

У адпаведнасці з Законам ад 29 снежня 2012 года «Аб дзяржаўных дапамогах сем’ям, якія выхоўваюць дзяцей» памеры дапамогі па доглядзе дзіцяці ва ўзросце да 3 гадоў пераразлічваюцца ў сувязі з ростам сярэднямесячнай заработнай платы два разы на год: з 1 лютага і 1 жніўня.

Вызначаецца памер дапамогі за перыяд з 1 лютага па 31 ліпеня бягучага года, зыходзячы з сярэднямесячнай заработнай платы работнікаў у рэспубліцы за IV квартал папярэдняга года; за перыяд з 1 жніўня па 31 снежня бягучага года – зыходзячы з сярэднямесячнай заработнай платы работнікаў у рэспубліцы за II квартал бягучага года. Паводле звестак Нацыянальнага статыстычнага камітэта, намінальная налічаная сярэднямесячная заработная плата ў IV квартале 2018 года склала Br1035,6 і павялічылася ў параўнанні з II кварталам на 10,2%.

Такім чынам, з 1 лютага 2019 года памер дапамогі па догляду дзіцяці ва ўзросце да 3 гадоў складзе: на першага дзіцяці – за Вr362,46 (35% ад сярэднямесячнай зарплаты работнікаў у рэспубліцы), на другога і наступных дзяцей – Br414,24 (40%), на дзіця-інваліда – Br466,02 (45%).

БЕЛТА