Дэлегацыя адміністрацыі СЭЗ «Магілёў» прымае ўдзел у інвестыцыйным сходзе ў Абу-Дабі

Дэлегацыя адміністрацыі СЭЗ «Магілёў» прымае ўдзел у 14-ым Штогадовым інвестыцыйным сходзе AIM Congress 2025 у Абу-Дабі (ААЭ). Пра гэта расказалі ў адміністрацыі арганізацыі.

«У рамках праграмы падпісаны Мемарандум аб узаемаразуменні паміж адміністрацыяй СЭЗ «Магілёў» і Бізнес-асацыяцыяй генеральных дырэктараў CEO Clubs Network (ААЭ), - падзяліліся субяседнікі. – Акрамя гэтага, на беларускай экспазіцыі прадстаўнікі адміністрацыі СЭЗ «Магілёў» прэзентуюць выкарыстанне ўнікальнага карбанатнага трэпелу радовішча «Сталёвае» для стварэння імпартазамяшчальнай вытворчасці ўгнаенняў пралангаванага дзеяння».

Дарэчы, сёлета на мерапрыемстве прадстаўлена 180 краін, больш за 20 тысяч дэлегатаў, сфарміравана больш за 400 падсесій і канферэнцый, у якіх заяўлена звыш 1,2 тыс. спікераў.

AIM Congress аб'ядноўвае карпаратыўных лідэраў, палітыкаў, бізнесменаў, рэгіянальных і міжнародных інвестараў, прадпрымальнікаў, вядучых вучоных і экспертаў, дэманструючы актуальную інфармацыю, стратэгіі і веды па прыцягненню інвестыцый.

Рэд.