«Дыялог пакаленняў» магіляўчанак розных узростаў і прафесій адкрыў Тыдзень адзінства

Прадстаўніцы абласной арганізацыі Беларускага саюза жанчын сустрэліся ў музеі В. К. Бялыніцкага-Бірулі, каб «зверыць гадзіннікі» з моладдзю і прадстаўнікамі старэйшага пакалення і паставіць новыя задачы.

Напрыклад, што на першае месца ў сістэму чалавечых каштоўнасцяў важна вярнуць сямейныя. І тады праз любоў да сям’і, дзяцей, павагу да бацькоў, старэйшага пакалення народзяцца і астатнія пачуцці, важныя для адчування сябе чалавекам і грамадзянінам.

– Што прыярытэтна сёння для маладога чалавека? Калі раней гэта была сям’я, здароўе, то сёння на першы план выходзіць самаразвіццё, паспяховасць, – патлумачыла намеснік старшыні Магілёўскага гарвыканкама, старшыня абласной арганізацыі ГА «Беларускі саюз жанчын» Ала Галушка. – Важна граматна выбудаваць гэтую піраміду каштоўнасцяў.

Тамара Печкурэнка – да нядаўняга часу лідар у ААТ «Магілёўхімвалакно» – таксама пераканана, што ўсё самае асноўнае, што ёсць у чалавеку, закладваецца ў сям’і.

– Менавіта таму інстытут сям’і павінен працаваць, яму трэба надаваць больш увагі, – працягнула яна. – Сям’я і сямейныя каштоўнасці – гэта груз адказнасці і праца на працягу ўсяго жыцця. Толькі тады будзе здаровая ячэйка грамадства, будуць выхоўвацца здаровыя дзеці.

Моладзевае крыло шануе сувязь пакаленняў як унутры арганізацыі, так і ўнутры сям’і і ўсяго грамадства.

– Для мяне яркім прыкладам гэтага з’яўляецца мая бабуля, якая акружыла мяне клопатам, цеплынёй, жаночай мудрасцю. Ужо зараз, азіраючыся назад, разумею, што многім поспехам у жыцці абавязана менавіта яе падтрымцы і навучанням, – прызналася Марыя Самусенка.

У памяць аб сваім дарагім чалавеку Марыя прапанавала запусціць чэлендж «Я і мая бабуля», каб мы ўсе ўспомнілі сваіх бабуляў, адзначылі іх ролі ў жыцці кожнай, падзяліліся кранальнымі гісторыямі.

– Важна, каб моладзь звярнулася да сваіх каранёў, задумалася аб сувязі пакаленняў. У гэтым і ёсць наша адзінства!

Белорусские женщины сегодня женщины активны и в семье, и на рабочем месте, в депутатской работе, являются лидерами общественных движений. Поэтому голос членов Белорусского союза женщин – это и голос женщины-матери, труженицы, которая работает на производстве, убирает хлеб, женщины-учителя. И он должен быть услышан.

vestnikmogileva.by