Электронны кірмаш для беспрацоўных жанчын адбудзецца 19 кастрычніка ў Магілёве

Электронны кірмаш для беспрацоўных жанчын адбудзецца 19 кастрычніка з 10.00 да 12.00 у Магілёве на пляцоўцы e-vacancy.by. Пра гэта паведамілі ва ўпраўленні па працы, занятасці і сацыяльнай абароне гарвыканкама.

У мерапрыемстве прымуць удзел арганізацыі абласнога цэнтра. Будзе прадстаўлена больш за 200 вакансій. Доступ да іх захаваецца і пасля заканчэння электроннага кірмашу. Яны будуць аўтаматычна перанесены ў базу даных на партале службы занятасці.

Электронны варыянт кірмашу забяспечыць зносіны наймальніка і саіскальніка ў рэжыме анлайн. Скарыстацца такім варыянтам можна не выходзячы з дому. Кожны зможа задаць удакладняльныя пытанні, даць рэзюмэ для пошуку працы.