Госці з Расіі пра «Купалле» ў Александрыі: цудоўнае свята дружбы і дабра

На рэспубліканскае свята «Купалле» («Александрыя збірае сяброў») сабраліся госці з розных куткоў Беларусі і Расіі. Некаторыя прыехалі цэлымі мікрааўтобусамі.

Яркае і маштабнае свята нікога не пакідае абыякавымі.

Марыя разам з сынам, мужам і маці прыехала з Цюмені. Для іх сям'і гэта падарожжа мае асаблівы сэнс, бо яе дзядуля па маці родам адсюль. Жанчына расказала, што яе маці не была на радзіме сваіх продкаў 40 гадоў. І датай свайго няблізкага падарожжа яны спецыяльна выбралі «Купалле» - пра свята даведаліся з інтэрнэту.

«Гэта проста надзвычайнае і маштабнае свята. Мы не чакалі такога размаху, такога духу і настрою. Патрыятычна, душэўна, сардэчна. Гэта цудоўнае свята дружбы і дабра», - падзялілася яна.

Марыя адзначыла, што, магчыма, для іх сям'і стане добрай традыцыяй у пачатку ліпеня прыязджаць на «Купалле». «Было б вельмі добра», - рэзюмавала яна.

Госці са Смаленска прыехалі на свята вялікай кампаніяй - 14 чалавек. «Мы тут з дзецьмі і сябрамі. Да гэтага не бывалі ў Александрыі - нам тут вельмі падабаецца, - падзялілася смалянка Іна. - Арганізацыя свята на вельмі высокім узроўні».

Жанчына адзначыла, што яны заўсёды ведалі пра гасціннасць беларусаў, а сёння ў гэтым самі пераканаліся. «Мы ўдзячны вам за дружбу. Нашы выхадныя не абмяжоўваюцца Александрыяй, заўтра едзем у Магілёў», - падзялілася планамі яна.

БЕЛТА