Графік руху цягнікоў на ўчастку Мінск-Асіповічы зменіцца з-за рамонту моста

Графік руху цягнікоў на ўчастку Мінск-Асіповічы зменіцца з-за планавага рамонту чыгуначнага моста, паведамілі ў прэс-цэнтры Беларускай чыгункі.

«У сувязі з планавым рамонтам чыгуначнага моста на ўчастку Мінск-Асіповічы 15–19, 22–26 сакавіка, з 29 сакавіка па 2 красавіка, а таксама 5–8 красавіка адмяняецца пасажырскі цягнік №744/743 міжрэгіянальных ліній бізнес-класа Мінск–Магілёў–Мінск, які адпраўляецца са станцыі Мінск-Пасажырскі ў 15.35, са станцыі Магілёў у 19.45. Таксама ў сувязі з рамонтам у названыя даты зменіцца расклад руху ў шэрагу цягнікоў міжрэгіянальных і рэгіянальных ліній бізнес-класа, маршрут якіх праходзіць па ўчастку Мінск–Асіповічы», – патлумачылі ў прэс-цэнтры.

Акрамя таго, ва ўказаныя даты на гэтым участку будзе адменена курсіраванне асобных цягнікоў рэгіянальных ліній эканомкласа і гарадскіх ліній. Пры гэтым частка цягнікоў рэгіянальных ліній эканомкласа Мінск-Пасажырскі–Асіповічы будзе ісці да Пухавічаў. Падрабязная інфармацыя аб часовых зменах размешчана на станцыях і прыпыначных пунктах.

Беларуская чыгунка просіць пасажыраў улічваць названыя абставіны пры планаванні паездак. Больш падрабязную інфармацыю аб раскладзе руху цягнікоў можна даведацца на афіцыйным сайце БЧ, у афіцыйным мабільным дадатку «БЧ. Мой цягнік», а таксама па тэлефоне кантакт-цэнтра 105.

БЕЛТА