Хрэсны ход з Магілёва ў Баркалабава працягласцю 40 км адбудзецца 23 ліпеня

Традыцыйны хрэсны ход з Магілёва ў Баркалабава адбудзецца 23 ліпеня ў гонар абраза Божай Маці Баркалабаўскай, паведамляецца на афіцыйным партале Беларускай праваслаўнай царквы.

Шлях крыжаходцаў працягласцю 40 км будзе пралягаць са Свята-Мікольскага манастыра горада Магілёва праз аграгарадок Буйнічы, вёску Салтанаўку, аграгарадок Дашкаўка да Свята-Узнясенскага манастыра ў аграгарадку Баркалабава Быхаўскага раёна, дзе знаходзіцца цудатворны абраз Божай Маці.

Асноўныя мерапрыемствы ў гонар Баркалабаўскай іконы Божай Маці пройдуць 24 ліпеня. Крыжаходцы прымуць удзел у святочным богаслужэнні ў Свята-Узнясенскім Баркалабаўскім жаночым манастыры.

БЕЛТА