Ігар Сергяенка: аграпрадпрыемствы Магілёўскай вобласці дэманструюць перадавы вопыт сельгасвытворчасці

Аграпрамысловыя прадпрыемствы Магілёўскай вобласці дэманструюць перадавы вопыт сельскагаспадарчай вытворчасці. Такую думку ў час абласнога фестывалю-кірмашу працаўнікоў вёскі «Дажынкі-2023», які праходзіць сёння ў Хоцімску, выказаў кіраўнік Адміністрацыі Прэзідэнта Ігар Сергяенка.

«У Магілёўскай вобласці праходзіць цудоўнае свята - фестываль «Дажынкі». Свята ўшаноўвання перадавікоў жніва. У гэтым годзе ў своеасаблівых і няпростых умовах Магілёўская вобласць атрымала нядрэнны ўраджай збожжавых, зернебабовых, рапсу, кукурузы. Нарыхтавана дастатковая колькасць кармоў», - сказаў кіраўнік Адміністрацыі Прэзідэнта.

Ігар Сергяенка адзначыў стабільна высокія вынікі сельскагаспадарчых прадпрыемстваў Магілёўскай вобласці. «Высокія вынікі дэманструюць Горацкі, Шклоўскі, Магілёўскі, Кіраўскі, Бялыніцкі раёны, такія вядомыя гаспадаркі, як «Світанак ім. К.П.Арлоўскага», агракамбінат «Зара», калгас «Радзіма», «Газавік-Сіпакава», «Александрыйскае». Гэтыя раёны і гаспадаркі, іх кадры з'яўляюцца сапраўднымі маякамі, школай перадавога вопыту сельскагаспадарчай вытворчасці, новых тэхналогій і вырашэння ўсіх сацыяльных пытанняў для нашых людзей, якія працуюць і пражываюць у сельскай мясцовасці», - падкрэсліў Ігар Сергяенка.

Стартам святочных мерапрыемстваў у Хоцімску стала цырымонія ўскладання кветак да брацкай магілы. Пасля гэтага ганаровыя госці азнаёміліся са святочнымі падворкамі і прынялі ўдзел у цырымоніі адкрыцця абноўленага раённага Цэнтра культуры «Мір».

БЕЛТА