Інтэлектуальныя гульні сярод ветэранскіх каманд Магілёва прыме 23 мая гімназія № 3

Другі тур інтэлектуальнай гульні сярод ветэранскіх каманд Магілёва адбудзецца 23 мая ў 16.00 у актавай зале гімназіі № 3. Пытанні спаборніцтва будуць прысвечаны 75-годдзю вызвалення Беларусі ад нямецка-фашысцкіх захопнікаў.

У гэты ж дзень у 11.00 ва УК «Гарадскі цэнтр культуры і вольнага часу» пройдзе пашыранае паседжанне прэзідыума гарадскога савета ветэранаў. На мерапрыемства запрашаюцца члены гарадскога і раённых саветаў ветэранаў, ветэранскіх клубаў, літаратурнага аб’яднання «Ветэран», вязні фашысцкіх канцлагераў, удзельнікі блакады Ленінграда, члены іншых грамадскіх аб’яднанняў абласнога цэнтра. Завершыць паседжанне невялікі канцэрт.