Канцэрт Сашы Нема і танцавальны флэш-моб у абарону навакольнага асяроддзя пройдуць у Магілёве

Маштабная забаўляльная праграма з выступленнем беларускага выканаўцы Сашы Нема адбудзецца 14 снежня а 12:00 у гандлёвым цэнтры «Парк Сіці» ў межах адукацыйна-экалагічнай акцыі «YOUR Water – за выратаванне планеты». Ініцыятарам і арганізатарам акцыі выступае кампанія «Дарыда», якая хоча падтрымаць глабальны сусветны экатрэнд у абарону навакольнага асяроддзя.

Падчас мерапрыемства будзе працаваць вясёлая фотазона, пройдуць конкурсы з падарункамі, флэшмоб і канцэрт Сашы Нема. Наведвальнікі змогуць прыняць удзел у тэматычных гульнях, адукацыйнай латарэі, прадэгуставаць прадукцыю кампаніі «Дарыда» і абмяняць выкарыстаныя пластыкавыя бутэлькі на чыстую пітную ваду.

Акрамя таго, будзе працаваць спецыяльная секцыя, дзе можна здаць сабраныя вечкі ад бутэлек, тым самым дапамагчы дзецям, якія жывуць у нястачы.

«У сувязі з тым што мы вырабляем прадукцыю ў пластыкавай тары, усведамляем сваю сацыяльную адказнасць перад навакольным асяроддзем, – пракаментаваў ініцыятыву генеральны дырэктар кампаніі «Дарыда» Дзмітрый Невяровіч. – Мы ўпэўнены, што прыцягненне ўвагі грамадскасці да гэтай праблемы дазволіць мінімізаваць негатыўныя наступствы выкарыстання пластыку для планеты, якая шчодра забяспечвае нас рэсурсамі, у тым ліку чыстай пітной вадой, што здабываецца намі для спажыўца».