Кірмаш вакансій адбудзецца 15 сакавіка ў Бабруйску

У горадзе на Бярэзіне 15 сакавіка з мэтай аказання садзейнічання ў працаўладкаванні незанятым грамадзянам арганізуюць «Кірмаш вакансій». Пра гэта паведамілі ва ўпраўленні па працы, занятасці і сацыяльнай абароне Бабруйскага гарвыканкама, на базе якога пройдзе мерапрыемства.

У гэты дзень з 11.00 да 13.00 па адрасе вул. Гогаля, 7 (2 паверх, актавая зала) жыхары Бабруйска змогуць прайсці субяседаванне ў спецыялістаў кадравых службаў прадпрыемстваў і арганізацый горада, даведацца пра ўмовы працы, аплаты, сацыяльныя гарантыі, парадак навучання запатрабаваным прафесіям па напрамку службы занятасці.

У мерапрыемстве прымуць удзел прадстаўнікі больш за 10 арганізацый, у тым ліку «ФанДока», «Бабруйскмэблі», «Славянкі», «Бабруйсктрыкатажу», «Будтрэста №13», «Каменскага псіханеўралагічнага дома-інтэрната», «ПТК «Мадэрам-Захад».

Тэлефоны для даведак: 72 67 94, 73 48 63.