Кірмаш вакансій у сферы гандлю і грамадскага харчавання пройдзе ў Магілёве 24 студзеня

Кірмаш вакансій у сферы гандлю і грамадскага харчавання пройдзе ў Магілёве 24 студзеня. Пра гэта паведамілі ва ўпраўленні па працы, занятасці і сацыяльнай абароне Магілёўскага гарвыканкама.

У мерапрыемстве прымуць удзел ААТ «Еўрагандаль», «РольфТрэйд», УКВП «Дыета», ААТ «Бакалея «Магілёў», «Задняпроўе», Камбінат школьнага харчавання, ААТ «Булачна-кандытарская кампанія «Дамачай», УП «ММЗ-сэрвіс», Магілёўскі філіял РУП «Белпошта» і інш.

У час кірмашу суіскальнікі змогуць пазнаёміцца з актуальнымі вакансіямі і ўмовамі працы ў гэтай сферы, паразмаўляць з прадстаўнікамі арганізацый і задаць удакладняючыя пытанні.

Кірмаш вакансій будзе праходзіць з 11.00 да 12.00 па адрасе: Магілёў, вул. Касманаўтаў, 17.

БЕЛТА