Клімавіцкі лікёра-гарэлачны завод асвойвае новыя рынкі збыту прадукцыі

Клімавіцкі лікёра-гарэлачны завод асвойвае новыя рынкі збыту сваёй прадукцыі. Заключаны кантракт на пастаўку бальзамаў ў Кітайскую Народную Рэспубліку. У ліпені бягучага года ў Паднябесную была адгружана першая партыя прадукцыі аб’ёмам 1,4 тыс. дал на суму $24 тыс.

Год ад году вытворцы павялічваюць экспартныя пастаўкі бутыляванай прадукцыі, якую ўжо ведаюць у Арменіі, Азербайджане, Грузіі, Казахстане, Літве і Латвіі, Туркменістане, Украіне. Больш за семдзесят працэнтаў экспарту прыпадае на рэгіёны Расійскай Федэрацыі.

Завадчане пастаянныя ўдзельнікі і пераможцы розных выстаў і конкурсаў. Сёлета прадукцыя Клімавіцкага лікёрагарэлачнага завода была прадстаўлена на форумах у Расійскай Федэрацыі і Азербайджане. Цяпер клімавіцкі брэнд ўдзельнічае ў выставе «Арменія экспа – 2021».

Па матэрыялах rodniva.by