Крэмль: сустрэча Аляксандра Лукашэнкі і Уладзіміра Пуціна адбудзецца 22 лютага

Прэзідэнты Расіі і Беларусі Уладзімір Пуцін і Аляксандр Лукашэнка правядуць сустрэчу 22 лютага, чакаюцца працяглыя перагаворы. Аб гэтым заявіў журналістам у чацвер прэс-сакратар прэзідэнта РФ Дзмітрый Пяскоў, паведамляе БЕЛТА са спасылкай на ТАСС.

"Сустрэча будзе на наступным тыдні, яна будзе 22 лютага. Два прэзідэнты сустрэнуцца, можна чакаць вельмі працяглыя перагаворы", - сказаў прадстаўнік Крамля.

Паводле яго слоў, на парадку дня перагавораў, у прыватнасці, двухбаковыя адносіны і абмен думкамі па міжнароднай праблематыцы. "(Прэзідэнту Беларусі Аляксандру Лукашэнку. - Заўвага БЕЛТА) напэўна ёсць аб чым праінфармаваць расійскага прэзідэнта, бо толькі што завяршыўся Усебеларускі народны сход", - дадаў прадстаўнік Крамля.

БЕЛТА