Культуралагічную экспертызу пачалі праводзіць магілёўскія эксперты

У Магілёве судовыя эксперты прыступілі да правядзення новага для рэгіёна віду экспертызы - судовай культуралагічнай.

У рамках яе правядзення экспертамі даследуюцца выявы, відэаматэрыялы, прадметы і вырашаюцца пытанні аб аднясенні іх да парнаграфічных матэрыялаў і прадметаў парнаграфічнага характару, а таксама аб наяўнасці выявы чалавека з прыкметамі прэпубертатнага (ранняга пубертатнага) перыяду палавога развіцця. Судовая культуралагічная экспертыза праводзіцца ва ўпраўленні Дзяржаўнага камітэта судовых экспертыз па Магілёўскай вобласці па прызначэнні праваахоўных органаў, судоў. Да нядаўняга часу ініцыятары прызначэння экспертыз для правядзення культуралагічнай экспертызы звярталіся ў цэнтральны апарат Дзяржаўнага камітэта судовых экспертыз - укараненне гэтага віду экспертызы ў абласным цэнтры будзе садзейнічаць скарачэнню тэрмінаў яе правядзення.

У мэтах задавальнення запатрабаванняў ініцыятараў прызначэння экспертыз пашырана тэрытарыяльная даступнасць судовай псіхіятрычнай экспертызы. У сакавіку бягучага года ў Крычаўскім міжраённым аддзеле ДКСЭ пачаў работу дзяржаўны медыцынскі судовы эксперт-псіхіятр, які забяспечвае выкананне экспертыз для падраздзяленняў органаў унутраных спраў, Следчага камітэта і судоў у паўднёва-ўсходнім рэгіёне Магілёўскай вобласці. Увядзенне гэтай пасады дазволіла арганізаваць больш аператыўнае правядзенне экспертыз, што станоўча ўплывае на тэрміны расследавання крымінальных спраў, эканоміць час для падэкспертных асоб (раней ім даводзілася прыязджаць у Магілёў), а таксама знізіла нагрузку на экспертаў-псіхіятраў абласнога ўпраўлення ДКСЭ.

Упраўленне ГКСЭ па Магілёўскай вобласці