На працягу двух месяцаў курсанты выпускнога курса ўніверсітэта грамадзянскай абароны МНС праходзілі вытворчую практыку ў органах і падраздзяленнях Магілёўскага абласнога ўпраўлення. Увесь гэты час яны замацоўвалі практычныя навыкі і тэарэтычныя веды, атрыманыя ў ВНУ, рыхтаваліся да самастойнай прафесійнай дзейнасці. Кіраўнікі гарнізонаў, у якіх праходзілі практыку курсанты, прынялі будучых маладых спецыялістаў цёпла і гасцінна. Пра гэта паведамляецца на афіцыйным сайце Магілёўскага абласнога ўпраўлення МНС.
За хлопцамі былі замацаваны вопытныя настаўнікі, якія з радасцю дзяліліся сваімі навыкамі з моладдзю.
Работнікі ўпраўлення пры правядзенні практыкі курсантаў факультэта тэхнасфернай бяспекі асаблівую ўвагу ўдзялялі пытанням арганізацыі і ажыццяўлення нагляду за выкананнем патрабаванняў тэхнічных рэгламентаў Мытнага саюза, Еўразійскага эканамічнага саюза ў галіне пажарнай бяспекі.
Па выніках практыкі курсанты прайшлі выходны кантроль. Начальнік аддзела арганізацыі навучання насельніцтва і прафесійнай падрыхтоўкі Генадзь Пупкоў у час заключнай сустрэчы пагутарыў з кожным курсантам, прапаноўваючы ім падзяліцца ўражаннямі і ўнесці свае прапановы па арганізацыі практыкі ў далейшым, пажадаў поспехаў у здачы экзаменаў і растлумачыў парадак размеркавання пасля заканчэння ўніверсітэта.
Пры выкарыстанні матэрыялаў актыўная гіперспасылка на mogilev-region.gov.by абавязковая
17.05.2024 - 17:59
17.05.2024 - 12:55
17.05.2024 - 10:02
17.05.2024 - 09:48
Магіляўчанка ўдастоена спецыяльнага прыза расійскага конкурсу маладых мадэльераў «Дыханне вясны»
17.05.2024 - 09:14
Міжнародная навукова-практычная канферэнцыя праходзіць у БРУ (відэа)