Леанід Мартынюк: новыя эканамічныя ўмовы адкрываюць для прадпрыемстваў вялікія рыначныя магчымасці

Новыя эканамічныя ўмовы адкрываюць для прадпрыемстваў вялікія рыначныя магчымасці для далейшага развіцця, пошуку новых рынкаў збыту і новых крыніц сыравіны. Такое меркаванне выказаў памочнік Прэзідэнта – інспектар па Магілёўскай вобласці Леанід Мартынюк – падчас наведвання ААТ «Магілёўскі металургічны завод».

Мэта наведвання – выявіць вузкія месцы, праблематыку і выпрацаваць комплекс мер для далейшай эканамічна мэтазгоднай і прыбытковай работы прадпрыемства.

«Прамысловы комплекс вобласці працуе стабільна, за выключэннем шэрагу праяў, якія нівеліруюцца, – адзначыў Леанід Мартынюк. – І таму прыклад – Магілёўскі металургічны завод, які ў новых эканамічных умовах шукае шляхі і выхады з сітуацыі, якая склалася з пастаўкай сыравіны і збытам гатовай прадукцыі».

Завастрыцца на цяперашняй сітуацыі ніхто нават не думае. Наадварот, новыя эканамічныя ўмовы даюць магчымасць ускалыхнуць менеджмент і паказаць кіраўнікам, што трэба сапраўды рухацца, шукаць новыя рынкі збыту і новыя крыніцы сыравіны.

У той жа час на заводзе не забываюцца на сацыяльную арыентаванасць прадпрыемства. «Мы ўбачылі і пачулі ад работнікаў, што своечасова выплачаная заработная плата і дастойны яе ўзровень, а таксама забеспячэнне добрых умоў працы, сацпакета, аховы працы і спецадзення – усё гэта не толькі мае месца быць, але і трымаецца на строгім кантролі», – адзначыў памочнік Прэзідэнта.

ААТ «Магілёўскі металургічны завод» з’яўляецца адным са старэйшых прамысловых прадпрыемстваў абласнога цэнтра і найбуйнейшым вытворцам стальных труб у Рэспубліцы Беларусь. Асноўная прадукцыя – трубы стальныя электразварныя круглага і профільнага перасеку, трубы вада- і газаправодныя, профілі полыя зварныя, шрот тэхнічны чыгунны літы і колаты, баласны, запаўняльнікі для асоба цяжкіх бетонаў, люкі і дажджапрыёмнікі чыгунныя, восі чарнавыя вагонныя, пакоўкі з канструкцыйнай і легіраванай сталі, малыя архітэктурныя формы і інш.

mogilevnews.by