Варкшоп «Думаем аб будучым горада» адбудзецца 18 мая ў магілёўскім музеі В. К. Бялыніцкага-Бірулі (вуліца Ленінская, 37). Пра гэта паведамілі ў Цэнтры гарадскіх ініцыятыў.

На мерапрыемства запрошаны эксперты розных галін. Задача сустрэчы – выпрацоўка ідэй развіцця горада. «Разам з прафесіяналамі мы абмяркуем камфортныя месцы адпачынку, перазагрузку гарадскіх прастор, развіццё творчасці і мастацтва, стрыт-арт, паркі і скверы, – адзначылі суразмоўцы. – Вынікам генерацыі ідэй павінен стаць пералік мерапрыемстваў і праектаў, які дазволіць зрабіць Магілёў утульным, зручным і прывабным для яго жыхароў і турыстаў».

На тэрыторыі музея размесцяць банеры, дзе кожны зможа пакінуць свае прапановы і пажаданні роднаму гораду.

Пачатак мерапрыемства – 13.00. Уваход вольны па папярэдняй рэгістрацыі. Па ўсіх пытаннях звяртацца на электронны адрас: cgimogilev@gmail.com.