Магілёўскай абласной камісіяй па кантролі за ходам падрыхтоўкі і правядзення ўступных выпрабаванняў падведзены вынікі кантролю за першым этапам уступнай кампаніі – цэнтралізаваным тэсціраваннем.
Адзначана, што тэсціраванне ў рэгіёне прайшло спакойна і арганізавана. Яўка абітурыентаў у сярэднім па вобласці склала 94%, найбольшая – на тэсціраванне па рускай мове (97%), найменшая – па геаграфіі (89%).
Як і ў мінулыя гады, кантроль за правядзеннем тэсціравання ажыццяўляўся на ўсіх этапах і ў кожнай з задзейнічаных аўдыторый 7 пунктаў тэсціравання вобласці.
На самым масавым тэсціраванні (па рускай мове) у кантролі прынялі ўдзел больш за 170 чалавек.
За парушэнні патрабаванняў парадку правядзення цэнтралізаванага тэсціравання (пранос мабільнага тэлефона ў аўдыторыю) ад удзелу ў ім былі адхілены 2 абітурыенты, па стане здароўя не змаглі прайсці выпрабаванні 6 чалавек.
На наступным этапе ўступнай кампаніі камісіямі будзе ажыццяўляцца кантроль за выкананнем вышэйшымі і сярэднімі спецыяльнымі навучальнымі ўстановамі парадку прыёму дакументаў, правядзення ўступных іспытаў і залічэння абітурыентаў.
З 12 ліпеня ва ўсіх вышэйшых навучальных установах прыёмныя камісіі пачнуць ажыццяўляць прыём дакументаў. У гэты перыяд у Камітэце дзяржаўнага кантролю Магілёўскай вобласці будуць працаваць тэлефоны «гарачай лініі»: 8 (0222) 31-07-73, 31-07-75, 22-18-97. Па ўказаных тэлефонах можна паведаміць інфармацыю аб парушэннях і недахопах у працы прыёмных і прадметных экзаменацыйных камісій навучальных устаноў.
Пры выкарыстанні матэрыялаў актыўная гіперспасылка на mogilev-region.gov.by абавязковая
