Мінадукацыі апублікавала пытанні да ўступных іспытаў па мэтавых дамовах

Міністэрства адукацыі апублікавала пытанні да ўступных іспытаў па мэтавых дамовах.

Пытанні падрыхтаваны да ўступных іспытаў па вучэбных прадметах «Матэматыка», «Сусветная гісторыя», «Гісторыя Беларусі», «Грамадазнаўства», «Геаграфія», «Біялогія», «Фізіка», «Хімія», «Беларуская літаратура», «Руская літаратура».

Як растлумачыў начальнік галоўнага ўпраўлення прафесійнай адукацыі Міністэрства адукацыі Сяргей Каспяровіч, на аснове гэтых пытанняў ВНУ будуць фарміраваць білеты для правядзення экзамену. Кожны ўніверсітэт будзе фарміраваць білеты аўтаномна, самастойна, а гэтыя пытанні стануць нейкай падмогай для падрыхтоўкі.

Пытанні да ўступных іспытаў па мэтавых дамовах можна знайсці на сайце Міністэрства адукацыі ў раздзеле «Мэтавы прыём 2023».

Як паведамлялася, падаць дакументы абітурыенты, якія паступаюць для атрымання вышэйшай адукацыі на ўмовах мэтавай падрыхтоўкі (выключэнне - асобныя спецыяльнасці, што вызначаюцца Міністэрствам адукацыі), могуць з 3 па 8 чэрвеня. Уступнае іспыт для іх пройдзе з 4 па 10 чэрвеня. Залічэнне адбудзецца па 13 чэрвеня.

БЕЛТА