Рэспубліканскае свята «Купалле» ў Александрыі наведала 115 тысяч чалавек. Пра гэта sb.by паведаміла начальнік аддзялення інфармацыі і грамадскіх сувязей УУС Магілёўскага аблвыканкама Алена Ігнатава.
Нагадаем, летась гасцямі фестывалю сталі 96 тысяч чалавек, што стала рэкордам. Значыць, у 2025 годзе ўстаноўлена новая пікавая адзнака.
- Міліцыяй забяспечана ахова грамадскага парадку падчас правядзення свята «Александрыя збірае сяброў». Асноўную ўвагу праваахоўнікі ўдзялялі пытанням забеспячэння асабістай, маёмаснай і дарожнай бяспекі людзей. Дзякуем грамадзянам за разуменне, законапаслухмяныя паводзіны і выкананне мер бяспекі, — адзначыла Алена Ігнатава.
Пры выкарыстанні матэрыялаў актыўная гіперспасылка на mogilev-region.gov.by абавязковая
