«Нам свет завешчана берагчы». Конкурс дзіцячага малюнка аб'яўлены ў Беларусі

Беларускае грамадскае аб'яднанне ветэранаў праводзіць конкурс дзіцячага малюнка «Нам свет завешчана берагчы», паведамілі ў прэс-службе Міністэрства працы і сацыяльнай абароны.

Конкурс прысвечаны 78-й гадавіне Перамогі ў Вялікай Айчыннай вайне. Ён закліканы мастацкімі сродкамі малюнка прадоўжыць работу па захаванні і ўвекавечанні памяці, гераізму і мужнасці савецкіх воінаў у гады вайны, а таксама памяці аб ахвярах вайны і халакоста на тэрыторыі Беларусі.

Творчае спаборніцтва праводзіцца ў трох узроставых катэгорыях: 7-9, 10-12 і 13-15 гадоў. Конкурсныя матэрыялы могуць быць выкананы па некалькіх тэмах: «Яны змагаліся за Радзіму», «Дарагія мае ветэраны», «Свята Перамогі вачыма дзяцей», «Мая сям'я і Вялікая Перамога», «Дзеці малююць герояў Вялікай Айчыннай вайны».

Прадугледжаны чатыры этапы. На першым - да 27 лютага 2023 года - будуць вызначаны лепшыя работы на рэгіянальным узроўні. На другім - да 13 сакавіка - адабраныя раённымі ветэранскімі арганізацыямі работы накіроўваюцца для разгляду ў абласныя ветэранскія арганізацыі і Мінск. Да 3 красавіка матэрыялы (не больш за тры малюнкі ў кожнай узроставай намінацыі, якія, як правіла, занялі першае, другое і трэцяе месцы) будуць прадстаўлены ў Рэспубліканскі савет Беларускага грамадскага аб'яднання ветэранаў. Вынікі конкурсу падвядуць да 30 красавіка.

Удзельнікі, якія зоймуць першае, другое і трэцяе месцы ў кожнай узроставай групе, атрымаюць званні лаўрэатаў конкурсу, дыпломы і каштоўныя падарункі. Астатнім фіналістам конкурсу прысвойваецца званне дыпламанта конкурсу і ўручаюцца сувеніры.

БЕЛТА