«Падрыхтаваць і да школы, і да жыцця». Валерый Малашка пра выхаванне ў дзіцячых садах

Дзіцячыя сады даюць магчымасць падрыхтаваць дзіця не толькі да школы, але і да жыцця, адзначыў намеснік старшыні Магілёўскага аблвыканкама Валерый Малашка ў праекце БЕЛТА «Краіна гаворыць».

«Я задаволены дзіцячымі садамі. Лічу, што гэта ўнікальныя ўстановы. Гэта тая спадчына Савецкага Саюза, якую мы ў Беларусі захавалі і якая ў поўнай меры можа падрыхтаваць дзіця не толькі да школы, а ў прынцыпе да жыцця», - сказаў Валерый Малашка.

Ён заўважыў, што ўжо ў сем гадоў сучаснае дзіця шмат што ведае пра краіну, у якой жыве, ведае свой гімн, герб і сцяг. «Мне здаецца, гэта вельмі важнае дасягненне апошняга часу, калі дзіця расце як грамадзянін краіны. На жаль, гісторыя сучаснай Беларусі паказала ў тым ліку тыя прабелы, якія мы дапускалі, спасылаючыся на нейкія дэмакратычныя ўстаноўкі. На жаль, не заўсёды сям'я гатова выхоўваць дзіця. Далёка не ўсе прынцыпы, якія прапаведуюцца ў сям'і, прымаюцца нашым грамадствам і будуць працаваць на перспектыву самога маладога грамадзяніна», - лічыць намеснік старшыні аблвыканкама.

Паводле яго слоў, дзіця «павінна расці не ў супярэчнасці ў грамадствам, а разам з гэтым грамадствам, у тым ліку выхоўваць і сваіх бацькоў».

БЕЛТА