Пераможцаў конкурсу «Навагодні дызайн у стылі МНС» вызначылі ў Магілёўскай вобласці

У Магілёўскай вобласці вызначылі пераможцаў конкурсу «Навагодні дызайн у стылі МНС». Пра гэта паведаміла начальнік сектара ЦБЖіВА Магілёўскага абласнога ўпраўлення МНС Аляксандра Пруднікава.

Як расказала суразмоўца, конкурс «Навагодні дызайн у стылі МНС» быў арганізаваны ў снежні 2020 года ў межах рэспубліканскай акцыі «Бяспечны Новы год!» па ініцыятыве Магілёўскага абласнога ўпраўлення МНС і галоўнага ўпраўлення ідэалагічнай работы і па справах моладзі Магілёўскага аблвыканкама.

«Спаборніцтва не павінна было ніяк перашкодзіць перадсвяточным клопатам магілёўцаў, а наадварот – дапамагчы знайсці ідэі для навагодняга ўпрыгожвання сваіх дамоў, – падзялілася Аляксандра Пруднікава. – Няма межаў таленту і крэатыву ў жыхароў Магілёўшчыны – гэта ратавальнікі ведалі заўсёды! Але кожны раз, абвяшчаючы новы конкурс, арганізатары прыемна дзівяцца колькасці і якасці прадастаўленых работ».

Вынікі члены журы падвялі не адразу: ужо вельмі няпроста параўноўваць розныя дызайнерскія падыходы і творчыя ідэі.

На адрас журы абласнога этапу ўдзельнікі накіравалі 118 варыянтаў «бяспечнага» дызайну. Стылізаваныя вогнетушыцелі і пажарныя вёдры ўпрыгожылі навагоднія ялінкі, на вокнах пасяліліся выявы ратавальнікаў і герояў мультфільма «Чароўная кніга», гірлянды ў выглядзе агеньчыкаў расцягнуліся ў дамах і кватэрах, а фігуры Дзядоў Марозаў і ратавальнікаў з’явіліся ў дварах і на ўчастках.

Прадстаўляем вам пераможцаў у кожнай з намінацый:

«Навагодняе афармленне прысядзібнага ўчастка»:

1 месца – Мікалай Касмачоў (Круглянскі раён);

2 месца – Юлія Маісеенка (Чэрыкаўскі раён);

3 месца – Дзіяна Саўчанка (Касцюковіцкі раён).

«Навагодні дэкор вокнаў»:

1 месца – Анастасія Галыга (Круглянскі раён);

2 месца – Дар’я Бяззубенка і Надзея Філімонава (Дрыбінскі раён);

3 месца – Уладзіслаў Сысоеў (Магілёўскі раён).

«Навагодняе афармленне кватэры (жылых памяшканняў домаўладання)»:

1 месца – Юлія Дубанос (г. Магілёў);

2 месца – Крысціна Каліноўская (Клімавіцкі раён);

3 месца – Аксана Максіменка (г. Магілёў).

Ред.