Першае беларуска-венгерскае сельскагаспадарчае прадпрыемства, дзе будуць выкарыстоўвацца венгерскія тэхналогіі па апрацоўцы кукурузы, створаць у Магілёўскай вобласці. Пра гэта паведаміў сёння журналістам міністр замежных спраў і знешняга гандлю Венгрыі Петэр Сіярта па выніках перагавораў з кіраўніком беларускага МЗС Уладзімірам Макеем.
На праведзеных сустрэчах у Мінску размова ішла аб пашырэнні супрацоўніцтва з Беларуссю ў розных сферах, у тым ліку аб рэалізацыі сумесных праектаў у галіне фармацэўтыкі, а таксама чыгуначных зносінах. Так, па венгерскіх чыгуначных трасах ужо ў гэтым годзе будуць рухацца двухпавярховыя вагоны, створаныя сумесна беларускім і венгерскім бакамі.
Петэр Сіярта выказаўся за пашырэнне палітычнага і эканамічнага ўзаемадзеяння паміж Беларуссю і Венгрыяй. Ён назваў важнымі створаныя Беларуссю ўмовы для бязвізавых паездак венграў у Беларусь. Міністр адзначыў, што венгерскі бок дае найбольшыя льготы для віз беларусам у межах Шэнгенскага пагаднення. Венгрыя выступае за ўмацаванне супрацоўніцтва з Усходам і Захадам у палітыцы і эканоміцы. Пашырэнне гэтага супрацоўніцтва Петэр Сіярта ў тым ліку звязвае з падтрыманнем бяспекі і стабільнасці ў рэгіёне. Міністр таксама выказаў пазіцыю венгерскай дзяржавы па інтэнсіфікацыі супрацоўніцтва паміж ЕС і ЕАЭС. На яго думку, гэта з’яўляецца добрай асновай для ўмацавання беларуска-венгерскага супрацоўніцтва.
Пры выкарыстанні матэрыялаў актыўная гіперспасылка на mogilev-region.gov.by абавязковая
27.06.2025 - 17:35
26.06.2025 - 09:38
«Магілёўліфтмаш» прадстаўляе новыя дызайнерскія рашэнні на «Russian Elevator Week – 2025»
25.06.2025 - 09:23
Плацежна-даведачныя тэрміналы ў «Белпошта» з 1 ліпеня будуць прымаць толькі наяўныя грошы
24.06.2025 - 12:13
У Магілёўскай вобласці амаль на чвэрць павялічаны плошчы пад бульбу