RU BY EN 中文
Twitter Instagram

Першыя анлайн-заяўкі на электронныя рахункі магіляўчане змогуць падаць у жніўні

Заяўку на электронную жыроўку можна будзе падаць на сайце МГКУП «Цэнтр гарадскіх інфармацыйных сістэм». Мяркуецца, што аформіць першыя анлайн-заяўкі ў абласным цэнтры можна будзе ўжо ў жніўні. Пра гэта паведамілі ў службе камунальных сістэм і разлікаў ЦГІС. Раней неабходна было аформіць заяўку пісьмова ў РКЦ.

На сённяшні дзень каля 800 магіляўчан атрымлівае электронныя рахункі. Паведамленні аб аплаце паслуг ЖКГ камунальнікі рассылаюць ім на электронную пошту.

Перавага электронных паведамленняў у тым, што яны не губляюцца па дарозе да адрасата, адзначаюць спецыялісты. А значыць, камунальныя плацяжы будуць паступаць своечасова. Паслуга асабліва запатрабавана людзьмі, якія працуюць за мяжой.

«Радыё Магілёў»

Пры выкарыстанні матэрыялаў актыўная гіперспасылка на mogilev-region.gov.by абавязковая