Праца з моладдзю, ільготы і гарантыі - у цэнтры ўвагі прафсаюзаў у ахове здароўя

На пасяджэнні калегіі галоўнага ўпраўлення па ахове здароўя Магілёўскага аблвыканкама адным з разгледжаных пытанняў стаў ход выканання пагаднення паміж галоўным упраўленнем і абласной арганізацыяй Беларускага прафсаюза работнікаў аховы здароўя на 2022–2024 гады.

Старшыня Магілёўскай абласной арганізацыі БПРЗ Аляксандр Басенка адзначыў, што канструктыўны дыялог паміж сацыяльнымі партнёрамі садзейнічае забеспячэнню стабільнасці ў галіне.

Паводле слоў кіраўніка галіновага прафсаюза, узаемадзеянне паміж бакамі ідзе па розных напрамках і накіравана на развіццё, забеспячэнне сацыяльна-эканамічных, працоўных правоў і інтарэсаў работнікаў, стварэнне аптымальных умоў для стабільнай работы працоўных калектываў. Напрыклад, сярэднямесячная зарплата ў арганізацыях аховы здароўя рэгіёну ў 2024 годзе павялічылася ў параўнанні з папярэднім годам на 14 працэнтаў.

- Адным з прыярытэтных напрамкаў сацыяльнага партнёрства з'яўлялася і работа з моладдзю, неад'емная частка якой - арганізацыя мерапрыемстваў для адаптацыі на працоўных месцах, аховы здароўя і вольнага часу, - расказаў Аляксандр Басенка. - За ўсімі маладымі спецыялістамі замацоўваюцца настаўнікі, калектыўныя дагаворы арганізацый прадугледжваюць дадатковыя льготы і гарантыі працуючай моладзі. Разглядаецца пытанне дадатковага матэрыяльнага стымулявання маладых работнікаў, якія заключылі кантракты на максімальны тэрмін пасля абавязковай адпрацоўкі.

Падводзячы вынік выступлення, старшыня абласной арганізацыі БПРЗ звярнуў увагу, што ў галіне склалася эфектыўная сістэма сацыяльнага партнёрства:

— Менавіта канструктыўны дыялог паміж наймальнікам і прафсаюзам дае магчымасць эфектыўна вырашаць пытанні, якія ўзнікаюць у працоўным калектыве, і забяспечваць стабільнасць у галіне. У рамках дзейнага пагаднення галоўнае ўпраўленне па ахове здароўя і абласная арганізацыя БПРЗ і ў далейшым павінны прадоўжыць актыўную работу над рэалізацыяй мер па падтрымцы медыцынскіх работнікаў, уключаючы пытанні аплаты працы, прадастаўлення льгот і паляпшэння ўмоў работы.

БЕЛТА