Прафсаюзныя санаторыі штогод аздараўліваюць каля 100 тыс. чалавек

Магілёўскае абласное аб'яднанне прафсаюзаў рэгулярна праводзіць маніторынгі колькасці адпачывальнікаў членаў прафсаюза і мер па патанненні кошту пуцёвак у прафсаюзных здраўніцах. Аб санаторна-курортным лячэнні ішла размова на выязным пасяджэнні прэзідыума Савета Магілёўскага абласнога аб'яднання прафсаюзаў у Бабруйску.

Так, са студзеня па снежань мінулага года план па аздараўленні і санаторна-курортным лячэнні членаў прафсаюзаў Магілёўскай вобласці ў санаторыях УП «Белпрафсаюзкурорт» выкананы на 133%. За снежань 2024 года - на 166%, а за студзень 2025-га - ужо на 173%.

Да таго ж летась змянілася сярэдняя колькасць дзён знаходжання ў прафсаюзных здраўніцах - яна павялічылася да 6 дзён (у 2023 годзе - 5 дзён).

Сума 25% скідкі ФПБ, прадстаўленай членам прафсаюзаў у санаторыях УП «Белпрафсаюзкурорт», у перыяд са студзеня па снежань 2024 года па краіне склала 9436870 руб. (за аналагічны перыяд 2023 года - 7122032 руб.).

- У калдагаворах шэрагу прадпрыемстваў і арганізацый прадугледжана кампенсацыя кошту пуцёўкі для членаў прафсаюза. У арганізацыях бюджэтнай сферы кампенсацыя кошту пуцёвак ажыццяўляецца праз прадастаўленне работнікам матэрыяльнай дапамогі на аздараўленне, - пазначыла намеснік старшыні Магілёўскага абласнога аб'яднання прафсаюзаў Таццяна Лаўманіс.

Такім чынам, самы высокі паказчык па задзейнічанні ў аздараўленні людзей - у абласной арганізацыі прафсаюза работнікаў сувязі: з 3945 ад агульнай колькасці членаў галіновага прафсаюза ў санаторыях аздаравіліся 959 чалавек (24,3%).

Па словах Таццяны Лаўкманіс, з 15 галіновых прафсаюзаў толькі 3 у поўнай меры надаюць увагу пытанням аздараўлення членаў галіновых прафсаюзаў ва ўсіх раёнах вобласці - гэта АПК, ахова здароўя і адукацыя.

Напрыклад, галіна хімічнай, горнай і нафтавай галін прамысловасці не ахоплівае па аздараўленню і санаторна-курортнаму лячэнню толькі адну пярвічку з 57. Абласная арганізацыя Беларускага прафсаюза банкаўскіх і фінансавых работнікаў не ахоплівае аздараўленнем членаў ППА Магілёўскага раёна і аблаганізацыя Краснапольскім і Хоцімскім раёнах.

Самая высокая колькасць ППА, не ахопленых аздараўленнем, - у абласной арганізацыі прафсаюза работнікаў гандлю, спажывецкай кааперацыі і прадпрымальніцтва - 27.

Як адзначыла Таццяна Лаўкманіс, цяпер пераўтварэнне санаторна-курортнай сферы ўдасканальваецца. У адпаведнасці з пратаколам даручэнняў Старшыні ФПБ ад 03.02.2025 №2 запланавана правядзенне конкурсу «Мой любімы санаторый».

У час пленарнага пасяджэння было адзначана, што работу па аздараўленні членаў прафсаюзаў неабходна актывізаваць. Гэтаму павінен садзейнічаць шэраг мер, аднагалосна прынятых падчас прэзідыума.

- Важней чалавечага здароўя нічога няма. Таму стараемся прыкладаць максімальныя намаганні ў аздараўленні людзей, - распавёў старшыня абласнога аб'яднання прафсаюзаў Уладзімір Цумараў. - У нас у краіне выдатная санаторная база. Але, нажаль, пазіцыя шматлікіх нашых грамадзян такая, што яго ці ледзь не сілком трэба прымушаць паехаць аздаравіцца ў санаторый. Але важна разумець, што калі чалавек пройдзе своечасовае абследаванне, курс працэдур, калі чалавек адпачне і будзе здаровы, то зусім іншы будзе яго настрой на працы і аддача ад яго. Мы нацэльваем і кіраўнікоў арганізацый, каб яны больш стымулявалі сваіх працаўнікоў і аказвалі ім дапамогу ў набыцці пуцёвак. Гэта патрэбна ўсім.

1prof.by