Пракуратура прапануе арганізаваць у Паўднёвай прамысловай зоне СЭЗ «Магілёў» пастаянны экалагічны маніторынг атмасфернага паветра, паведаміў на прэс-канферэнцыі пракурор Магілёўскай вобласці Аляксандр Чадзюк.
Як адзначыў пракурор вобласці, экалагічная сітуацыя на ўчастку №4 у СЭЗ «Магілёў», дзе сканцэнтравана вялікая колькасць вытворчасцей, выклікае неспакой жыхароў абласнога цэнтра і Магілёўскага раёна. Пракуратурай праводзіцца афіцыйная праверка па калектыўным звароце жыхароў па абставінах выкідаў у лістападзе 2018 года забруджвальных рэчываў у атмасферу ад ЗТАА «Омск Карбон Магілёў».
«З прыцягненнем экспертаў мы старанна вывучаем дадзеную сітуацыю, таму што і як жыхары горада, і як прадстаўнікі нагляднага органа хочам разабрацца ў тым, што адбываецца, – адзначыў Аляксандр Чадзюк. – Як адзін з выхадаў са становішча, каб забяспечыць празрысты і незалежны кантроль, мы прапануем устанавіць на мяжы аб’яднанай санітарна-ахоўнай зоны ўчастка №4 СЭЗ «Магілёў» стацыянарны пост экалагічнага маніторынгу атмасфернага паветра. Ён павінен мець самае сучаснае абсталяванне, каб ахопліваць максімальны спектр забруджвальных атмасферу рэчываў».
Пракуратура вобласці таксама рыхтуе прапановы па ўдасканаленні прыродаахоўнага заканадаўства, у тым ліку ўзмацненні жорсткасці патрабаванняў, якія тычацца забруджвання паветра.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.05.2024 - 16:38
За апошнія пяць гадоў у эканоміку Магілёўскага раёна прыцягнута два мільярды рублёў інвестыцый
22.04.2024 - 10:15
«Бабруйскаграмаш» правёў выпрабаванне навінкі - культыватара КМП-10
15.04.2024 - 16:22
Першыя ўраджаі таматаў збіраюць у Кіраўскім «Рассвете» (відэа)
15.04.2024 - 09:35