Прэзідэнт Беларусі Аляксандр Лукашэнка прызначыў новых суддзяў і старшыняў розных судоў у Магілёўскай вобласці

Прэзідэнт Беларусі Аляксандр Лукашэнка прызначыў новых суддзяў і старшыняў розных судоў у Магілёўскай вобласці. Гэта прадугледжана ўказам №38 «Аб прызначэнні і вызваленні суддзяў», які кіраўнік дзяржавы падпісаў 4 лютага. Адпаведная інфармацыя размешчана на Нацыянальным прававым інтэрнэт-партале.

Суддзёй Магілёўскага абласнога суда бестэрмінова прызначаны Аляксандр Іванкоў. На пяцігадовы тэрмін суддзёй суда Шклоўскага раёна стала Святлана Баранцава, Бабруйскага раёна і Бабруйска – Ганна Германава, Кастрычніцкага раёна Магілёва – Вольга Гатоўчык і Таццяна Міхайлава, Хоцімскага раёна – Алеся Парфёненка, эканамічнага суда – Віталь Перапеткін. Андрэй Полаўцаў таксама стаў суддзёй эканамічнага суда на пяцігадовы тэрмін, вызваліўшы пасаду суддзі суда Клімавіцкага раёна. Суддзёй на пяцігадовы тэрмін і старшынёй суда Круглянскага раёна прызначаны Дзмітрый Сасноўскі, а старшынёй суда Дрыбінскага раёна – Людміла Новікава.

Указам таксама вызвалены ад пасады суддзі эканамічнага суда Магілёўскай вобласці Аляксандр Мялешка і Ларыса Навітанюк, старшыні і суддзі суда Хоцімскага раёна – Віталь Піскуноў.