Прыём заяў у першыя класы ўстаноў агульнай сярэдняй адукацыі Магілёва пачнецца 12 чэрвеня і працягнецца да 28 жніўня. Пра гэта паведамілі ва ўпраўленні па адукацыі гарвыканкама.

У I клас прымаюцца дзеці, якім на 1 верасня адпаведнага навучальнага года споўнілася шэсць і больш гадоў. Па жаданні аднаго з законных прадстаўнікоў дзіцяці дапускаецца прыём у I клас навучэнца, якому шэсць гадоў споўніцца з 1 па 30 верасня.

Для прыёму дзяцей ў I клас законныя прадстаўнікі падаюць наступныя дакументы:

– заяву на імя кіраўніка ўстановы агульнай сярэдняй адукацыі;

– медыцынскую даведку аб стане здароўя дзіцяці;

– пасведчанне аб нараджэнні дзіцяці.

Рашэннямі адміністрацый раёнаў горада Магілёва вызначаны мікрараёны ўстаноў адукацыі:

– мікрараёны ўстаноў адукацыі Ленінскага раёна;

– мікрараёны ўстаноў адукацыі Кастрычніцкага раёна.

Час прыёму заяў у першыя класы рэгулюецца графікамі працы ўстановы і прыёму кіраўнікамі грамадзян па асабістых пытаннях. Дадатковая інфармацыя размешчана на сайтах устаноў адукацыі.

Пісьмо Міністэрства адукацыі Рэспублікі Беларусь «Аб арганізацыі прыёму ў першыя класы ўстаноў агульнай сярэдняй адукацыі»