Рэспубліканская канферэнцыя па ахове працы пройдзе 16-17 верасня ў Магілёве

Штогадовая Рэспубліканская навукова-практычная канферэнцыя «Ахова працы – клопат агульны» пройдзе 16–17 верасня ў Магілёве, паведамілі ў Міністэрстве працы і сацыяльнай абароны.

Пытанні стварэння здаровых і бяспечных умоў працы, прафілактыкі вытворчага траўматызму на адной пляцоўцы абмяркуюць прадстаўнікі Мінпрацы і сацабароны, органаў дзяржаўнага нагляду, кіраўнікі і спецыялісты па ахове працы арганізацый рэспублікі.

«За два дні канферэнцыі яе ўдзельнікі азнаёмяцца з асноўнымі напрамкамі ўдасканалення заканадаўства аб працы і аб ахове працы, абмяркуюць падрыхтаваныя змены ў Правілы расследавання і ўліку няшчасных выпадкаў на вытворчасці і прафесійных захворванняў, а таксама падзеляцца вопытам практычнай работы па стварэнні здаровых і бяспечных умоў работнікаў», – удакладнілі ў ведамстве.

Таксама ўдзельнікі канферэнцыі наведаюць прамысловыя прадпрыемствы Магілёва, дзе азнаёмяцца з вытворчымі працэсамі і арганізацыяй аховы працы.

БЕЛТА