Што чакае беларусаў з 1 ліпеня 2025 года: галоўныя змены

З пачатку ліпеня ў Беларусі набудуць моц новыя правілы, якія закрануць заробкі, сацыяльныя выплаты і іншыя сферы жыцця.

Згодна з пастановай № 277, з 1 ліпеня павялічыцца надбаўка для супрацоўнікаў цэнтраў, якія абслугоўваюць бюджэтныя арганізацыі.

У Мінску і Мінскім раёне надбаўка складзе 220% ад акладу. У рэгіёнах - 140%, а з 1 студзеня 2026 года вырасце да 170%.

Новыя правілы налічэння сацвыплат

З ліпеня пенсіі, дапаможнікі і іншыя сацыяльныя выплаты будуць залічвацца толькі на базавыя рахункі. Гэта датычыцца:

- пенсій;

- дзіцячых дапамог (назначаных сацабаронай);

- дапамог па беспрацоўі;

- дапамогі інвалідам і пажылым (80+);

- матэрыяльнай дапамогі да школы;

- выплат на блізнят і замяшчаючыя сем'і.

Што рабіць, калі няма базавага рахунку?

Трэба звярнуцца ў банк для яго адкрыцця ці пераафармлення. Аднак некаторыя катэгорыі грамадзян (напрыклад, якія атрымліваюць выплаты праз пошту ці дапаможнікі на працы) могуць не мяняць схему атрымання грошай.

Матэрыяльная дапамога да школы

З 1 ліпеня шматдзетныя сем'і (з трыма і больш дзецьмі) змогуць падаць заяву на аднаразовую выплату. Памер дапамогі - 30% бюджэту пражытачнага мінімуму на кожнага школьніка.

Падаць заяву можна:

- у органах сацабароны;

- у школах (для жыхароў Мінска і некаторых раёнаў Віцебскай, Гродзенскай і Брэсцкай абласцей).

Дадатковую падтрымку таксама акажуць працадаўцы, дабрачынныя акцыі («Збяры дзіця ў школу», «Школьны ранец» і інш.).

Новае ў рабоце кас самаабслугоўвання

З ліпеня пры куплі некаторых тавараў у крамах запатрабуецца сканаваць код Data Matrix (аналаг QR-кода). Гэта патрэбна для барацьбы з кантрафактам. Пакупнікам не давядзецца запамінаць маркіраваныя тавары - сістэма сама падкажа, калі трэба адсканаваць дадатковы код.

Змяненні ва ўліку маёмасці

З 1 ліпеня маёмасць, перададзеная ў бязвыплатнае карыстанне, будзе ўлічвацца як асноўны сродак і падлягаць амартызацыі. Новыя правілы ўводзяцца пастановай нумар 7/31/56 ад 30.04.2025.

Доўгія выхадныя ў ліпені

У гонар Дня Незалежнасці (3 ліпеня) беларусаў чакаюць 4 выходныя дні — з 3 па 6 ліпеня. Адпрацаваць пятніцу (4 ліпеня) трэба будзе 12 ліпеня (субота).

Гэтыя змены закрануць многіх, таму варта загадзя падрыхтавацца да новаўвядзенняў.

mogilev.1prof.by