Сістэма «Спадчына без межаў» пачала працаваць ў Магілёве

Сістэма «Спадчына без межаў» з пачатку года пачала дзейнічаць на тэрыторыі Магілёва, паведамляецца на сайце Беларускай натарыяльнай палаты (БНП).

Раней спадчынныя справы вяліся па тэрытарыяльным прынцыпе: спадчыннікам варта было звяртацца ў тую кантору або бюро, да якой тэрытарыяльна адносілася месца апошняй рэгістрацыі памерлага (канкрэтная вуліца ці раён). З Новага года аформіць спадчынныя правы да маёмасці грамадзян, якія памерлі пасля 31 снежня 2022 года, можна ў любога натарыуса Магілёва.

Спадчыннікі могуць выбраць любога натарыуса на тэрыторыі Магілёва, з якім камфортней супрацоўнічаць, да якога зручней дабрацца, або таго, які больш вольны на даны момант.

У БНП растлумачылі, што прынцып «Спадчына без межаў» цяпер дзейнічае ў асобных рэгіёнах краіны і атрымаў станоўчыя водгукі грамадзян.

Інфармацыю аб адкрытых спадчынных справах, а таксама аб натарыусах, што вядуць спадчынныя справы, можна ўдакладніць на сайце БНП.

БЕЛТА