У Магілёўскай вобласці стартавала грамадская ініцыятыва «Справа кожнага», прысвечаная Году міру і стварэння. Яе рэалізацыяй займаецца абласная арганізацыя Беларускага прафсаюза работнікаў мясцовай прамысловасці і камунальна-бытавых прадпрыемстваў, расказаў старшыня галіновай структуры Павел Жуйкоў.
Ініцыятыва заключае ў сабе магутны патрыятычны пасыл і будзе ажыццяўляцца па розных напрамках. Фармат удзелу ў ёй не абмежаваны канкрэтнымі мерапрыемствамі. У адным выпадку гэта могуць быць акцыі па навядзенні парадку і добраўпарадкаванні аб'ектаў, звязаных з гераічнымі старонкамі Вялікай Айчыннай вайны, значнымі падзеямі ў жыцці канкрэтнага рэгіёна або рэспублікі, знакамітымі землякамі. У іншым - мерапрыемствы, накіраваныя на далучэнне членаў працоўных калектываў да гісторыі і культуры роднага краю праз турыстычную або краязнаўчую работу. Акрамя таго, удзельнікаў ініцыятывы нацэльваюць на правядзенне сустрэч з ветэранамі прадпрыемстваў і моладдзю, стварэнне ў арганізацыях тэматычных куткоў і міні-музеяў.
«Справа кожнага» - гэта магчымасць для першасных прафсаюзных арганізацый, усіх членаў галіновага прафсаюза ўнесці пасільны ўклад у агульную справу міру і стварэння, - падкрэсліў Павел Жуйкоў. - Бо Год міру і стваранні - яркае сведчанне сталасці нашага грамадства, свайго роду вянок трылогіі Года малой радзімы, Года народнага адзінства і Года гістарычнай памяці. Ён закліканы аб'яднаць назапашаны досвед, а таксама канкрэтныя справы і распачынанні па тэматыцы кожнага з мінулых гадоў».
Пры выкарыстанні матэрыялаў актыўная гіперспасылка на mogilev-region.gov.by абавязковая
02.05.2024 - 15:29
30.04.2024 - 11:50
Прамыя тэлефонныя лініі пройдуць 4 мая ў Магілёўскай вобласці
29.04.2024 - 16:05
На аднаго выпускніка да дзесяці заявак - як у БДУТ прайшло размеркаванне