На Магілёўшчыне пачалося адключэнне ацяплення ў жылфондзе. У абласным цэнтры адпаведнае распараджэнне падпісаў старшыня Маггарвыканкама Аляксандр Студнёў.
З улікам існуючых умоў надвор'я і перспектыўнага прагнозу, з 17 красавіка пачалося планамернае адключэнне сістэм ацяплення другой чаргі: агульнагарадскія лазні, тэатры, установы адукацыі (за выключэннем школьных і дзіцячых дашкольных устаноў), інтэрнаты, жыллёвы фонд.
Пры гэтым рацыянальныя рэжымы выкарыстання паліўна-энергетычных рэсурсаў прадоўжаць прытрымлівацца пры цеплазабеспячэнні гасцініц, бібліятэк, дзяржаўных архіваў, музеяў, устаноў сацыяльнага забеспячэння, медыцынскіх, лячэбна-прафілактычных, школьных і дзіцячых дашкольных устаноў адукацыі.
Рэд.
