Міністэрства юстыцыі вызначыла парадак выезду натарыусаў у аграгарадкі і іншыя населеныя пункты. Адпаведная пастанова № 179 ад 8 снежня 2020 года афіцыйна апублікавана на Нацыянальным прававым інтэрнэт-партале.
Для натарыяльнага абслугоўвання фізічных асоб, у тым ліку індывідуальных прадпрымальнікаў і юрыдычных асоб, натарыусы выязджаюць у аграгарадкі і іншыя населеныя пункты, у якіх няма натарыяльных кантор і бюро і ёсць умовы для натарыяльнай дзейнасці (памяшканне, камп’ютарная і іншая тэхніка, неабходная для адпаведных паслуг).
Згодна з дакументам, натарыусы будуць выязджаць у аграгарадкі па графіку пры паступленні не менш за адну заяўку на здзяйсненне натарыяльнага дзеяння і (або) аказанне паслугі прававога і тэхнічнага характару не пазней за працоўны дзень, які папярэднічае даце выезду, прадугледжанай графікам. Па-за графікам яны будуць выязджаць па заяўках ад ветэранаў Вялікай Айчыннай вайны або асоб з парушэннем функцый апорна-рухальнага апарата.
Абласныя натарыяльныя палаты павінны будуць замацаваць аграгарадкі за натарыяльнымі канторамі або бюро і зацвердзіць графік выездаў.
Пастанова ўступае ў сілу з 3 студзеня 2021 года.
Пры выкарыстанні матэрыялаў актыўная гіперспасылка на mogilev-region.gov.by абавязковая
07.05.2024 - 17:41
Ветэран Вялікай Айчыннай вайны Марыя Ікусава прымала віншаванні з надыходзячым Днём Перамогі
07.05.2024 - 17:28
Удзельнік Вялікай Айчыннай вайны Міхаіл Цітоў прымаў віншаванні
07.05.2024 - 11:34
07.05.2024 - 10:49
Алея партыйнага адзінства і згуртаванасці з'явілася ў Магілёве (відэа)