У ЦВК расказалі, як будзе праходзіць вылучэнне дэлегатаў ва УНС

У час круглага стала на тэму «Асаблівасці правядзення маючай адбыцца выбарчай кампаніі» ў прэс-цэнтры БЕЛТА сакратар Цэнтральнай выбарчай камісіі Алена Балдоўская расказала, як будзе праходзіць вылучэнне дэлегатаў ва Усебеларускі народны сход.

«Канстытуцыя змяшчае нормы, якія датычацца ўтварэння УНС. Прыняты закон аб Усебеларускім народным сходзе. Выбарчы кодэкс дапоўнены новым раздзелам аб выбарах дэлегатаў УНС ад мясцовых Саветаў дэпутатаў і ад суб'ектаў грамадзянскай супольнасці», - нагадала Алена Балдоўская.

Выбары ва УНС будзе назначаць ЦВК пасля адзінага дня галасавання. «Ад дэпутацкага корпуса ў выбарах дэлегатаў УНС маюць права ўдзельнічаць мясцовыя Саветы дэпутатаў. Правам на вылучэнне сваіх прадстаўнікоў у склад УНС валодаюць прэзідыумы мясцовых Саветаў дэпутатаў абласнога і базавага ўзроўню, Саветы пярвічнага тэрытарыяльнага ўзроўню. Выбранне будзе ажыццяўляцца абласнымі Саветамі дэпутатаў з ліку вылучаных кандыдатаў у дэлегаты», - адзначыла сакратар ЦВК.

Яшчэ адна катэгорыя суб'ектаў, якая мае права выбіраць сваіх прадстаўнікоў у склад УНС, - рэспубліканскія грамадскія аб'яднанні. «Міністэрства юстыцыі прадаставіла ўжо ў ЦВК пералік такіх аб'яднанняў, якія маюць права выбіраць дэлегатаў УНС. Гэта 5 грамадскіх аб'яднанняў: «Белая Русь», Беларускі саюз жанчын, Беларускі рэспубліканскі саюз моладзі, Беларускае грамадскае аб'яднанне ветэранаў, Федэрацыя прафсаюзаў Беларусі. Аб'яднанням неабходна не пазней за адзіны дзень галасавання прадставіць у ЦВК рашэнне аб іх удзеле ў выбарах дэлегатаў УНС», - падкрэсліла Алена Балдоўская.

БЕЛТА