У Магілёўскай вобласці 1 сакавіка пройдзе Рэспубліканская праверка сістэмы апавяшчэння насельніцтва

У Магілёўскай вобласці 1 сакавіка ў межах акцыі «Адзіны дзень бяспекі» пройдзе праверка сістэмы апавяшчэння насельніцтва, органаў кіравання і сіл дзяржаўнай сістэмы папярэджання і ліквідацыі надзвычайных сітуацый і грамадзянскай абароны. Пра гэта паведамляе МНС Беларусі.

У праверцы сістэмы апавяшчэння будуць удзельнічаць аператары сотавай сувязі, якія правядуць SMS-рассылку. На тэлеканалах Белтэлерадыёкампаніі, «АНТ», «Сталічнае тэлебачанне» і «РТР-Беларусь», а таксама ў галоўным меню інтэрактыўнага тэлебачання IPTV «ZALA» запусцяць бягучы радок.

Пратэстуюць і работу абсталявання адпраўкі інфармацыі праз радыёвяшчальныя станцыі УКХ-дыяпазону, абсталявання для агульнадаступнага пакета тэлебачання. Асобна будзе выканана праверка апавяшчэння членаў камісій па НС, дзяжурна-дыспетчарскіх службаў, кіраўнікоў прадпрыемстваў з выкарыстаннем стоек цэнтралізаванага выкліку і аўтаматызаваных сістэм апавяшчэння асабістага складу абласных і Мінскага гарадскога ўпраўленняў МНС.

Ратавальнікі просяць аднесціся з разуменнем да неабходнасці падобнай праверкі.