Рус Бел Eng 中文

У Магілёўскай вобласці ад укусаў жывёл пацярпела каля 1,4 тыс. чалавек: што раяць спецыялісты

На Магілёўшчыне за восем месяцаў зафіксавана 133 пацверджаныя выпадкі заражэння на шаленства сярод жывёл – у паўтара разы больш, чым за аналагічны перыяд мінулага года. Чаму інфекцыя не здае пазіцыі, чым яна небяспечная для людзей і што рабіць, калі западозрылі, што хатні ўлюбёнец падхапіў смяротны вірус?

Загадчык аддзялення асабліва небяспечных інфекцый Магілёўскага абласнога цэнтра гігіены, эпідэміялогіі і грамадскага здароўя Алег Амельяновіч адзначыў, што толькі за першае паўгоддзе на Магілёўшчыне ад укусаў дзікіх, бяздомных і хатніх жывёл пацярпела без малога 1400 чалавек. Пераважнай большасці прыйшлося рабіць антырабічныя прышчэпкі.

Урачы раяць: калі здарылася такое НЗ, можна і трэба аказаць самому сабе першую дапамогу, старанна прамыўшы рану праточнай вадой з мылам. Не лішняй будзе і апрацоўка яе краёў ёдам. «Але гэта ні ў якім разе не выключае візіту да ўрача. Самалячэнне тут немагчымае: занадта вялікая пагроза жыццю, – папярэдзіў Алег Амельяновіч. – І чым раней будуць прыняты ахоўныя меры, тым лепш».

СБ

Пры выкарыстанні матэрыялаў актыўная гіперспасылка на mogilev-region.gov.by абавязковая