У Магілёўскай вобласці праходзіць месячнік «Чалавек з белым кіем»

У Магілёўскай вобласці праходзіць месячнік «Чалавек з белым кіем», які закліканы прыцягнуць увагу шырокай грамадскасці, а таксама органаў мясцовай выканаўчай улады да неабходнасці вырашэння сацыяльных праблем людзей з інваліднасцю па зроку, абароны іх правоў і інтарэсаў, павышэння якасці жыцця невідушчых і людзей са слабым зрокам. Пра гэта расказала начальнік камітэта па працы, занятасці і сацыяльнай абароне Магілёўскага аблвыканкама Марыя Шапнеўская.

Як адзначыла субяседніца, супрацоўніцтва Магілёўскай абласной арганізацыі грамадскага аб'яднання «Беларускае таварыства інвалідаў па зроку» з дзяржаўнымі органамі ўлады дае магчымасць забяспечыць высокі ўзровень правядзення месячніка і прыцягнуць увагу насельніцтва да праблем людзей з парушэннем зроку.

«У гэтым годзе падчас правядзенняў месячніка «Чалавек з белым кіем» у Магілёўскай вобласці пройдуць творчыя майстэрні: сустрэчы з таленавітымі мастакамі інвалідамі па зроку, майстар-класы па рукадзеллі, брайлеўскія чытанні; семінары, трэнінгі па тэматыцы: «Сітуацыйная дапамога людзям з інваліднасцю па зроку», «Як зрабіць даступнай навакольнае асяроддзе», «Адаптыўныя тэхналогіі і сродкі рэабілітацыі, якія прыходзяць на дапамогу невідушчым», у магілёўскім кінатэатры «Радзіма» будзе арганізаваны паказ фільмаў з тыфло і іншыя мерапрыемствы, - распавяла Марыя Шапнеўская. - З мэтай своечасовага аказання выпускнікам устаноў адукацыі, якія маюць ступень страты зроку, дапамогі ў выбары будучай прафесіі пройдуць кансультацыі па пытанні прафесійнай арыентацыі».

У завяршэнні месячніка 10 лістапада ў Магілёве на базе МГА ГА «БелТІЗ» адбудзецца абласны адкрыты інтэлектуальна-пазнавальны конкурс «Эрудыт», накіраваны на ўцягванне інвалідаў па зроку ў працэс інтэлектуальнай і пазнавальнай дзейнасці, развіццё іх інтэлектуальнага патэнцыялу.

Рэд.