У Магілёўскай вобласці сёння пачаўся збор подпісаў у падтрымку вылучэння ў кандыдаты ў Прэзідэнты Рэспублікі Беларусь.
Адзін з найважнейшых этапаў выбарчай кампаніі стартаваў 7 лістапада ў краіне і працягнецца да 6 снежня. Зарэгістраваным ініцыятыўным групам неабходна сабраць не менш як 100 тыс. подпісаў. Усяго ЦВК зарэгістраваны 7 ініцыятыўных груп па зборы подпісаў у падтрымку вылучэння кандыдатаў у Прэзідэнты: дзейнага Прэзідэнта Рэспублікі Беларусь Аляксандра Лукашэнкі, старшыні Ліберальна-дэмакратычнай партыі Беларусі Алега Гайдукевіча, старшыні Рэспубліканскай партыі працы і справядлівасці Аляксандра Хіжняка, начальніка галоўнага ўпраўлення ідэалагічнай работы і па справах Мінгарвыканкама Вольгі Чамаданавай, індывідуальнага прадпрымальніка Ганны Канапацкай, старшыні Рэспубліканскага савета грамадскага аб'яднання «Беларускі саюз афіцэраў» Сяргея Бобрыкава, першага сакратара Цэнтральнага камітэта Камуністычнай партыі Беларусі Сяргея Сыранкова.
У першыя гадзіны працы пікет па зборы подпісаў на плошчы Адзінства ў абласным цэнтры наведала магіляўчанка Святлана Анісімава з мужам і дзвюма дочкамі. Жанчына адзначыла, што лічыць важным актыўна праяўляць сваю грамадзянскую пазіцыю: «Мы прыйшлі сёння для таго, каб быць у ліку першых, хто падтрымае вылучэнне кандыдатуры цяперашняга кіраўніка дзяржавы для ўдзелу ў выбарах. Натуральна, падтрымліваем і спадзяемся. Таму што для нас важныя стабільнасць і мір, шчасце для нашых дзяцей і спакой. Гэта відавочна для ўсіх людзей, што галоўнае мір усюды: і ў сям'і, і ў нашай дзяржаве».
Сярод тых, хто прыйшоў сёння паставіць подпіс у падтрымку свайго кандыдата ў Прэзідэнты, былі старшыня Магілёўскага аблвыканкама Анатоль Ісачанка, старшыня абласнога Савета дэпутатаў Аляксандр Гарошкін, старшыня Маггарвыканкама Аляксандр Студнеў, старшыня Пастаяннай камісіі Палаты прадстаўнікоў Нацыянальнага сходу па адукацыі, культуры і навуцы Ігар Марзалюк.
Пенсіянер Сяргей Салаўёў таксама наведаў пікет і выказаў шкадаванне, што яго жонка ў сілу стану здароўя не змагла прыйсці сёння з ім, аднак вельмі хоча паставіць подпіс у падтрымку абранага кандыдата. Просьба мужчыны была пачутая і да іх дадому адправілася ініцыятыўная група.
«Па стане здароўя хадзіць мне цяжка. Таму муж пайшоў на пікет адзін, але ўзяў мой пашпарт з сабой, каб даведацца, як можна зрабіць у такім выпадку. Так здарылася, што ў гэты час на пікеце прысутнічаў наш губернатар. І ён распарадзіўся адправіць да нас дадому ініцыятыўную групу. Я вельмі рада, што так атрымалася», - падзялілася Лідзія Салаўёва.
Яе муж дапоўніў: «Так, вельмі добрае ставіцца губернатар да пажылых людзей. Слоў нават няма. Наогул для людзей усё робіцца - у горадзе чысціня і парадак. У краму заходзіш - ёсць усё неабходнае. Мы пажылыя людзі і хочацца сказаць, што жыць у нашым горадзе, у нашай краіне - гэта рай».
Муж і жонка падкрэслілі, што да выбараў заўсёды ставяцца адказна: «Мы заўсёды добрасумленна наведваем участкі, галасуем. Імкнемся жыць па законах дзяржаўным і божым.
Колькі бядуе людзей на зямлі: няма харчавання, ідуць войны. А ў Беларусі ўсё спакойна, у крамах - багацце. У нас ёсць магчымасць наведваць сацыяльны цэнтр дзённага знаходжання для пажылых людзей, дзе да нас праяўляюць вельмі добрае і паважлівае стаўленне.
Наш Прэзідэнт - гэта добрасумленны чалавек, добры гаспадар, сумленны і працавіты. Пакуль мы былі маладымі, мы шмат працавалі, а зараз жывем, як кажуць, на поўную шпульку. Нам усяго хапае, у нас усё ёсць. Таблетак бы менш купляць, але гэта жыццёвае. А жывем мы добра».
Нагадаем, ажыццяўляць збор подпісаў у падтрымку вылучэння кандыдатаў у Прэзідэнты Рэспублікі Беларусь могуць толькі члены ініцыятыўнай групы на пікетах (у месцах, не забароненых мясцовымі выканаўчымі і распарадчымі органамі), а таксама па месцы жыхарства, працы (службы) выбаршчыкаў. Член ініцыятыўнай групы павінен мець пры сабе адпаведнае пасведчанне і дакумент з фатаграфіяй, які пацвярджае яго асобу. У падпісным лісце павінны быць подпісы выбаршчыкаў, якія пражываюць на тэрыторыі раёна, горада, раёна ў горадзе. Выбаршчык павінен уласнаручна паставіць дату подпісу і распісацца.
Выбары Прэзідэнта Беларусі назначаны на 26 студзеня 2025 года.
Юлія Таранава, фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая
01.04.2025 - 09:25
Магілёўская вобласць набліжаецца да экватара па сяўбе ранніх яравых збожжавых і зернебабовых
31.03.2025 - 10:27
У Магілёўскай вобласці збожжавыя культуры пасеяны на плошчы 47,9 тыс. га
26.03.2025 - 09:59
Прамую тэлефонную лінію 29 сакавіка правядзе ў Магілёўскім аблвыканкаме Генадзь Дзенгалёў
25.03.2025 - 12:19