Інфармацыйна-кансультацыйная сустрэча «Пераадольваем перашкоды разам» пройдзе 13 красавіка ў Магілёве. На ёй будуць разгледжаны пытанні працаўладкавання людзей з інваліднасцю і адбудзецца прафесійнае кансультаванне гэтай катэгорыі грамадзян, паведамілі ва ўпраўленні па працы, занятасці і сацыяльнай абароне Магілёўскага гарвыканкама.
Прысутныя змогуць сустрэцца з наймальнікамі і абмеркаваць пытанні працаўладкавання, атрымаць інфармацыю аб тым, як самастойна пачаць прадпрымальніцкую і рамесную дзейнасць. Таксама людзям з інваліднасцю раскажуць аб магчымасці пераехаць для афармлення на работу ў сельскую мясцовасць і навучыцца запатрабаваным на рынку працы прафесіям. Індывідуальнае кансультаванне па пытаннях занятасці будзе праходзіць у адпаведнасці з індывідуальнымі праграмамі рэабілітацыі чалавека.
Як растлумачылі ва ўпраўленні, сёння асноўная форма працаўладкавання інвалідаў - накіраванне іх на работу ў лік броні. Акрамя таго, гэта катэгорыя першачаргова праходзіць прафесійнае навучанне, для іх пастаянна ствараюцца спецыялізаваныя працоўныя месцы.
«Меры, якія прымаюцца службай занятасці, дазваляюць штогод павышаць колькасць працаўладкаваных інвалідаў, - адзначылі ва ўпраўленні. - І гэта пацвярджаецца статыстыкай: больш за 60% тых, хто звярнуўся ў службу занятасці, знаходзяць жаданую працу. Толькі ў 2022 годзе па дапамогу ў пошуку працы прыйшлі 217 чалавек. У выніку 63,6 працэнта з іх былі працаўладкаваны. У першым квартале гэтага года да нас звярнуліся 59 чалавек, на сёння амаль 45% ужо знайшлі жаданую працу».
Пры выкарыстанні матэрыялаў актыўная гіперспасылка на mogilev-region.gov.by абавязковая
18.05.2024 - 16:59
18.05.2024 - 14:30
17.05.2024 - 17:59
17.05.2024 - 12:55