У Магілёве ў заліве Дняпра патануў мужчына

24 жніўня ў службу МНС ад работнікаў АСВОД паступіла паведамленне аб пошуку чалавека, які патануў, у заліве ракі Дняпро каля вуліцы Соф'і Кавалеўскай у Магілёве.

Устаноўлена, што 23 жніўня вечарам патанулы мужчына 1965 года нараджэння купаўся ў заліве р. Дняпро. Праз некаторы час відавочца звярнуў увагу на тое, што на беразе доўгі час ляжаць асабістыя рэчы мужчыны. Сведка звярнуўся ў міліцыю. Работнікі міліцыі пасля абходу берага паведамілі аб здарэнні ў АСВОД. 24 жніўня раніцай работнікі АСВОД дасталі з вады патанулага: яго цела знаходзілася за 25 метраў ад берага на глыбіні каля 3 метраў.

Рэд.