У праекце новай Канстытуцыі паўнамоцтвы па фарміраванні ўрада замацаваны за прэм’ер-міністрам

У праекце новай Канстытуцыі Беларусі паўнамоцтвы па фарміраванні ўрада прапануецца перадаць прэм’ер-міністру. Пра гэта расказаў дырэктар інфармацыйна-аналітычнай установы «Круглы стол дэмакратычных сіл», член Канстытуцыйнай камісіі Юрый Васкрасенскі ў праграме «Аб’ектыўна» на тэлеканале АНТ.

У нас у Канстытуцыйнай камісіі па пытанні пераразмеркавання паўнамоцтваў поўны кансэнсус. Мы прапанавалі (тое, што цяпер замацавана ў праекце) частку паўнамоцтваў, звязаных з фарміраваннем ўрада, перадаць кіраўніку ўрада. Частка паўнамоцтваў, звязаных з вялікім уплывам на дзяржаўныя працэсы, перадаць Палаце прадстаўнікоў, Савету Рэспублікі», – расказаў Юрый Васкрасенскі.

Паводле яго слоў, па пытанні пераразмеркавання паўнамоцтваў паміж галінамі ўлады ў Канстытуцыйнай камісіі не было трэнняў і шурпатасцяў, як у выпадку абмеркавання статусу і прынцыпаў працы Усебеларускага народнага сходу і смяротнага пакарання.

Як раней расказаў старшыня Канстытуцыйнага суда і старшыня Канстытуцыйнай камісіі Пётр Міклашэвіч, па пытанні смяротнага пакарання ў Беларусі прапануецца ў наступным правесці асобны рэферэндум. Пра гэта ён паведаміў па выніках абмеркавання ў Прэзідэнта прапаноў па змяненні Асноўнага закона краіны.

БЕЛТА